EDUCATION : හයේ පංතියේ සිට විද්‍යාව ඉගෙන ගන්නා ලාංකිකයින්ගේ විද්‍යාත්මක දැනුම | ඒ ලෙවල් වලින් පස්සේ උඩදාගෙන බිස්නස් මැනේජ්මන්ට් කරන සිංහලයින්ගේ බිස්නස් දැනුම
සිංහලයින් විද්‍යාත්මකව වඳකිරීම
සිංහල කාන්තාවන් හා පිරිමින් නිසරු එනම් වඳ බවට පත්කරන පෙති ඇත.
බ්‍රිතාන්‍යයෙන්, ඇමරිකාවෙන් පස්චාත් වෛද්‍ය උපාධි ලබාගෙන ඇති ප්‍රසව හා නාරි විශේෂඥයින් පවා නොදන්නා මේ වඳපෙති සෑම මුස්ලිම් ව්‍යාපාරිකයෙක් සතුව ඇත.
මේ වඳපෙති දැමූ කෑම ගැනීමෙන් ස්ත්‍රී පුරුෂ බේධයකින් තොරව ප්‍රජනන පද්ධතිය අක්‍රිය වෙයි. එහෙත් එවැනි බලසම්පන්න ප්‍රත්‍රික්‍රියා දක්වන මේ රසායණික පෙත්තෙන් වෙන කිසිම අතුරු ආබාධයක් නැත. ඒ නිසා හොරෙන් වඳ පෙති දමා සිංහලයන් වඳ කිරීමේ මුස්ලිම් කුමන්ත්‍රණය සාර්ථකව සිදුවේ.
වඳ පෙති පමණක් නොව වඳ දියර හා ස්ප්‍රේද ඇත. ඒවාද ඕනෑම මුස්ලිම් ව්‍යාපාරිකයෙකු සතුව ඇත.
වඳ ස්ප්‍රේ කාන්තා යට ඇඳුම්වලට ඉසීමෙන් ඒවා අඳින කාන්තාවන්ගේ යෝනිමාර්ගයට ඒවා අවශෝෂණය වී ඩිම්බ කෝෂ අක්‍රිය කරයි. එහෙත් වෙනත් කිසීම අතුරු ආබාධයක් හෝ වෙනත් අතුරු ප්‍රථිපලයක් නැතිනිසා තමන් වඳ බවට පත්වූ බව ඇය නොදනී.
වඳ ස්ප්‍රේ පිරිමි යට ඇඳුම්වලට ඉසීමෙන් ඒවා අඳින පිරිමින්ගේ වෘෂණ කෝෂවලට අවශෝෂණය වී ශුක්‍ර ධාතු නිපදවීම අඩාල කරයි. එහෙත් වෙනත් කිසීම අතුරු ආබාධයක් හෝ වෙනත් අතුරු ප්‍රථිපලයක් නැතිනිසා තමන් වඳ බවට පත්වූ බව ඔහු නොදනී.
දෙවන ලෝක යුධ සමයේදී හිට්ලර් යුදෙව්වන් වඳ කිරීම සඳහා වෙඩි තැබීමේන්, කුසගිණ්නේ මිය යාමට ආහාර සැපයුම් කපා හැරීමෙන්ගෑ, ස් කාමරවල දැමීමෙන් හා වහල් කඳවුරුවල කුසගිණ්නේ වහල්වැඩ ගැනීමෙන් යුදෙව්වන් මිලියන 5.3 එනම් ලක්ෂ පනස්තුනක් මරාදමන ලදී. එහෙත් යුදෙව් ජාතිය අදටත් ලොව බලසම්පන්න ජාතියකි. යුදෙව්වන් වඳවී නැත.
එහෙත් වඳපෙති හා වඳ ස්ප්‍රේ මගින් මුස්ලිම් ජාතිකයින්ට සිංහලයින් සාර්ථකව වඳ කිරීමේ හැකියාව පවතී. එය කාළය පිලිබඳව ප්‍රශ්ණයක් පමණකි. ඒ පිලිබඳව කිසිදු සැකයක් ඇතිකර ගත යුතු නැත.
සිංහල බිස්නස් වලට කෙලින මුස්ලිම් බිස්නස් ප්ලෑන
පහලින් ඇත්තේ ලංකාවේ විශාලම ව්‍යාපාර 50යි. මෙයින් මාස්, බ්‍රැන්ඩ්ක්ස්, හේමාස්, ඩයලොග් (මැලේසියා ), එටිසෙලාට් (UAE), එක්ස්පෝලන්කා වැනි සමාගම් කිහිපයක් ප්‍රධානවශයෙන් මුස්ලිම් ජාතිකයින් සතුව පවතී.එහෙත් ලංකාවේ ව්‍යාපාරික ක්ශේස්ත්‍රය මුස්ලිමුන් විසින් ගිලගනිමින් ඇත.
ලංකාවේ මෑතකදී ඉහලට නැගි කෝටිපතියන් වන ධම්මික පෙරේරා (වැලිබල්), අෂෝක් පතිරගේ (සොෆ්ට් ලොජික්), WKH වෙගපිටිය (ලාෆ්), හැරී ජයවර්ධන (Distilleries/Stassens), ඉෂාර සිල්වා (ඉන්ද්‍රා ට්‍රේඩර්ස්), ආර් එම් නානායක්කාර (ග්‍රීන් ලංකා ෂිපිං), ජයන්ත ධර්මදාස (නවලෝක ), සේන යද්දෙහිගේ (රිචර්ඩ් පීරිස්), ජී.සී වික්‍රමසිංහ (ඒට්කන් ස්පෙන්ස්) අජිත් දේවසුරේන්ද්‍ර (බ්‍රවුන්ස් / ඒෂියා හොටෙල්ස්) යනාදී ධනවතුන් සිංහලයන් වීම මෙයට අදාල නොවේ.
මුස්ලිම් නොවන (බර්ගර්, දෙමළ ආදී) පේජ් පවුල (කාගිල්ස්), කැප්ටන් පවුල (ජෝන් කීල්ස්), ටී ඒ සෙල්වරත්නම් (සිලෝන් තියටර්ස්), කෙන් බාලේන්ද්‍ර (හිටපු ජෝන් කීල්ස් හා වර්තමාන බ්‍රැන්ඩික්ස් සභාපති ) යනාදීන්ද කෝටිපතියන් සිටීමද අදාල නැත.
ලංකාවේ ලොකුම ධනපතියන් විසිදෙනා අතර මුස්ලිම් මිනිසුන් දෙදෙනෙකු පමණක් සිටීමද අදාලම නැත.
THE TOP 20 RICH LIST
1. Mr K D Dhammika Perera 36,892,919,197
2. Mr S E Captain 30,397,447,305
3. Mr Muzaffar Ali Yaseen 7,364,172,125
4. Mr YSHIK Silva 7,275,380,383
5. Mr RM Nanayakkara 4,197,805,870
6. Mrs Lorraine EM Yaseen 4,018,908,000
7. Mr A Page 3,972,111,444
8. Mr HKJ Dharmadasa 3,790,563,260
9. Mr VR Page 3,416,297,561
10. Ms L A Captain 2,465,677,826
11. Mr K Balendra 2,451,630,582
12. Mrs TA Selvaratnam 2,340,725,010
13. Dr Sena Yaddehige 1,941,566,790
14. Mr GC Wickremesinghe 1,902,063,149
15. Mr JC Page 1,828,986,401
16. Ms MM Page 1,740,422,298
17. Mr IC Nanayakkara 1,714,508,688
18. Mr AM Weerasinghe 1,575,421,959
19. Mrs KU Amerasinghe 1,500,866,000
20. Mr A Devasurendra 1,038,519,980
ලංකාවේ සිංහල බෞද්ධ ව්‍යාපාරවලට ඇති ලොකුම තර්ජන වන්නේ;
මස් කඩේ නානා
කොත්තු කඩේ හාජියාර්
ෆෝන් කඩේ හනීෆා
සිල්ලර කඩේ මොහොමඩ්
හැරුණුවිට
ෆැෂන් බග් හා නෝලිමිට්ස්ය.
රෙදිපිලි වෙළඳාමෙන් ෆැෂන් බග්ලාට නෝ ලිමිට්ස් ලාට කරට කර ඉන්නා හවුස් ඔෆ් ෆැෂන්ලා, කැන්ඩි ගෲප්ලා, තිලකවර්ධනලා අදාලම නැත. ඒවා වැහෙන්ඩ ලංවෙලාය.
පී.සී හවුස්ලාට ඒෂියන්ලාට හොඳ තරඟයක් දෙන EWIS එකේ සංජීව වික්‍රමණායකලා, සොෆ්ට්ලොජික් (ඩෙල්) එකේ අෂෝක් පතිරගේලා, අබාන්ස් (LG) එකේ අබාන් ප්‍රෙස්ටෝන්ජිලා, මෙට්‍රොපොලිටන් (Acer) එකේ අම්බානි පවුලත් අදාලම නැත.
ලොකුම කේස් එක හේමාස් එකය - බේත් ගෙන්වන හේමාස් සුවර් එකටම වඳපෙති ගෙන්වනවා ඇත
හේමාස් එකේ ඩිරෙක්ටර්ලා එකොලහෙන් හතක්ම මුස්ලිම් නොවීමත් අදාලම නැත. ඒ හත්දෙනාගෙන් 4ක්ම සිංහල වීමත් අදාලම නැත. ඒ වගේම හේමාස් එකේ ඩිරෙක්ටර්ලාට පහලින් ඉන්න ටොප් මැනේජ්මන්ට් ටීම් එකේ දහදෙනාගෙන් අට දෙනෙක්ම සිංහල වීමත් කිසිම අදාලත්වයක් නැත.
කොම්පැණිය යන්නේ මුස්ලිම් ඇජෙන්ඩා එකකටය.
සිංහල මිනිස්සුන්ට බිස්නස් බෑ කියන එක අහන්ඩ දෙයක්ද හලෝ. තමුන්ගේ තරඟකාරයෝ කවුද කියලවත් හරියට දන්නේ නැතුව තම්බින්ට බැන බැන දෙයියන්ගේ හාල් කාලා වගේ ඉන්න අයට මොන බිස්නස්ද?
අනගාරික ධර්මපාලතුමා ඔය වගේ සිංහල අයට දුන්නේ ගොන් තඩියා, මීහරකා වගේ විශේෂණ පද.
ජාති වාදේ අවුස්සන පෝස්ට් හද හද කාල කන වෙලාවේ යූ ටියුබ් එකේ තියෙන ධම්මික පෙරේරාගේ වීඩියෝ එකක් වත් බලනවලා අමාරුවෙන් උඩ එන්නේ කොහොමද කියල ඉගෙන ගන්න.
VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi . AUTHOR/OWNER/ADMINISTRATOR . CONTACT : terence.arachchi@gmail.com . GOOGLE + : About Me . FACEBOOK : www.facebook.com/terence.arachchi . __________________________________________________________________________
සහතික පට්ට ඇත්ත
ReplyDeleteVery true
ReplyDelete